Privacyverklaoring ‘Speulentere Spelle’
Speulentere Spelle, ’n samewèrking vaan de Stiechting Limbörgse Academie (Kamer vaan Kouphandel nómmer 14094061) en Stiechting Veldeke Mestreech (Kamer vaan Kouphandel nómmer 14063753), beujt diech de gratis app Speulentere Spelle mèt späölselkes aon es sjieke, interactief media en hölp veur ’t Mestreechs te liere spelle én ‘ne website mèt informatie euver deen app.
Veer goon mèt zörg mèt dien gegeves um.
Veer goon zoe zörgvöldeg meugelek mèt dien gegeves um, want veer vinde privacy hiel belaankriek. In dees privacyverklaoring kinste leze wat veur gegeves veer verzamele en veurwat veer dat doen. Ouch vertèlle veer mèt wee veer dien gegeves deile en wat veur rechte totste höbs. ‘ne Speuler vaan dees applicatie accepteert tot dit veur eige risico is en tot de käös en ’t gebruuk vaan de informatie de verantwoordelekheid vaan de speuler is. De informatie maag allein door de speuler zelvers gebruuk weure. Auteursrechtelek besjermde werke of aander in dees applicatie opgeslage informatie maag neet weure euvergedrage, vermierderd, bewèrk of verspreid weure zoonder de gezaomeleke en väöraofgaonde, sjrifteleke touwstumming vaan de Stiechting Limbörgse Academie en de Stiechting Veldeke Mestreech. ’t Is neet touwgstande d’n intellektuelen eigendom of de mattriaole boe-op auteursrech ligk vaan d’n app of de website örges aanders op wat veur meneer daan ouch te gebruke.
Wat veur persoensgegeves verzamele veer vaan uuch?
Este eus späölselkes späöls of kontak mèt us opnums daan deilste persoensgegeves mèt us. Veer verzamele allein die persoensgegeves die veer nudeg höbbe um Speulentere Spelle aon te kinne beeje. ’t Geit hei beveurbeeld um dien e-mailadres en de speulersnaom deeste zelf opgiefs. Bij ’t speule vaan de späölselkes weure wijer ouch dien scores vaan de späölselkes bijgehawwe. Allein diene speulersnaom en de score zalle ziechbaar zien veur de aander speulers.
Bezunder of geveulege persoensgegeves die veer verwèrke.
Speulentere Spelle heet neet de intentie gegeves te verzamele vaan speulers oonder de 16 jaor. Veer kinne evels neet naogoon of ‘ne speuler bove de 16 jaor is. Veer raoje awwers daan ouch aon betrokke te zien bij de online activiteite vaan hun kinder um daomèt te veurkoume tot gegeves euver minderjäörege verzameld weure zoonder touwstumming vaan de awwers. Este devaan euvertuig bis tot veer zoonder die touwstumming persoeneleke gegeves verzameld höbbe euver ‘ne minderjäörege, daan num kontak mèt us op en veer hole die informatie droet.
Mèt wee deile veer dien persoensgegeves?
Veer kinne dien persoensgegeves wijergeve aon aander partije in euvereinstumming mèt dees privacyverklaoring en de touwpasseleke wètgeving. Boe aongegeve weure späölselkes aongebooje in samewèrking mèt daarde. In dat geval hawwe de Stiechting Limbörgse Academie en de Stiechting Veldeke Mestreech gezaomelek ’t rech um dien gegeves wijer te geve aon dees partij(e) mèt es doel touwziech te hawwe op de veurtgaank vaan ’t speul. Zoonder dien oetdrökkeleke, sjrifteleke touwstumming zalle veer dien persoensgegeves neet bekindmake aon daarde veur hun marketingdoelindes.
Höbste touwstumming gegeve? Daan kinste die ouch altied weer intrèkke.
De Stiechting Limbörgse Academie en de Stiechting Veldeke Mestreech verkoupe dien gegeves neet aon daarde en zalle dees inkel en allein aofgeve es dit strik noedzakelek is veur de oetveuring vaan eus euvereinkoms mèt diech of um ’n wètteleke verpliechting nao te koume. Mèt bedrieve die dien gegeves in opdrach vaan us verwèrke, slete veer ’n verwèrkingseuvereinkoms um te zörge veur ‘nzelfde niveau vaan beveileging en vertrouwelekheid vaan dien gegeves. De Stiechting Limbörgse Academie en de Stiechting Veldeke Mestreech blieve verantwoordelek veur dees verwèrkinge.
Wie goon veer mèt dien persoensgegeves um?
De kins drop vertrouwe tot veer mèt zörg mèt dien gegeves umgoon. Um de beveileging vaan persoengegeves te waorbörge, heet eus IT bedrief Goal043 ‘ne Functionaris Gegevesbesjerming in deens, dee touwziech hèlt op ’t verwèrke en beveilege vaan persoensgegeves. Daomèt weurt de privacy vaan alle gebrukers, vaan de späölselkes en de website gerespekteerd en zörg deveur gedrage tot alle persoeneleke informatie die-t geer gef vertrouwelek behandeld weurt. Veer numme de besjerming vaan eur gegeves serieus en numme gesjikde maotregele um misbruuk, verluus, oonbevoogden touwgaank, oongewinsde openbaarmaking en neet-touwgestande wijzeginge tege te goon. Este ’t idee höbs tot dien gegeves toch neet good beveileg zien of tot ’t aonwijzinge gief vaan misbruuk, daan num kontak op mèt eus IT bedrief Goal043 via privacy@goal043.nl.
Wie lange bewaore veer dien persoensgegeves?
Veer bewaore dien persoensgegeves neet langer es noedzakelek veur ’t verwèrke vaan de doelindes, boeveer zie zien verzameld en verwèrk óf zoe lang es wèttelek verpliech is.
Wat veur privacyrechte höbste?
De höbs ’t rech dien persoensgegeves bij us (eus IT bedrief) in te zien, te rectificere en/of droet te laote hole. Daoneve kinste diech berope op de volgende rechte:
● beperking vaan dien persoensgegevesverwèrking
● euverdraagbaarheid vaan dien persoensgegeves
● bezwoer.
Höbste vraoge of wèlste ’n klach indene?
Veer doen eus bès um in dees privacyverklaoring zoe dudelek meugelek oet te lègke wie veer umgoon mèt persoensgegeves. Mochste wijer vraoge höbbe, mie oetlègk wèlle of neet content zien euver de meneer boe-op veer mèt dien persoensgegeves umgoon? Num daan kontak op via privacy@goal043.nl.
Wijzeging vaan de privacyverklaoring.
Privacy is ’n actueel oonderwerp en de wèt- en regelgeving veraanderd dèks. Dat gölt ouch veur de technieke boemèt persoensgegeves verwèrk weure. Veer volge dees oontwikkele op de voot en passe eus organisaties zoe good en gaw meugelek dao-op aon. Dat kint ouch gevolge höbbe veur de meneer boe-op veer mèt persoensgegeves umgoon. Lees daorum dèkser dees privacyverklaoring. Es fundaminteel get veraandert bringe veer diech daovaan op de huugde. De Stiechting Limbörgse Academie en de Stiechting Veldeke Mestreech zien verantwoordelek veur de persoensgegeves zoe wie weergegeve in dees privacyverklaoring.
Kontakgegeves: https://www.goal043.nl/speulentere-spelle/
J (John) Trienes is de Functionaris Gegevesbesjerming vaan Goal043 B.V.
Heer is te bereike via privacy@goal043.nl.
Dees privacyverklaoring is veur de lèste kier bijgewèrk op 02-01-2025.
Voor een Nederlandse gebruik Google Translate.